Instituti Kombëtar i Shëndetësisë Publike të Kosovës (IKSHPK) ka njoftuar se që nga e hëna ka filluar vaksinimi kundër Gripit sezonal në gjithë vendin.

Sipas njoftimit, vaksinimi është duke u bërë në njësitë e vaksinimit të Qendrave Kryesore të Mjekësisë Familjaren në komunat përkatëse, shkruan Arbresh.info.

IKSHPK thekson se këtë vit sigurimi i vaksinave është bërë më herët se çdo vit tjetër dhe se Ministria e Shëndetësisë ka siguruar 8500 doza.

“Grupet me prioritet për vaksinim kundër Gripit sezonal janë:

Punëtorët shëndetësor;

Gratë shtatzëna;

Personat me sëmundje kronike dhe me imunitet të komprometuar;

Personat mbi 65 vjeç; dhe

Fëmijët e moshës nga 6 muaj deri në 5 vjeç me indikacione shëndetësore.”, thuhet në njoftim.

IKSHPK njofton se ekipet e vaksinimit janë të përgatitura dhe të motivuara për një fushatë të suksesshme të vaksinimit.

Po ashtu thuhet se ekspertët e IKSHPK-së, po mbajnë këtyre ditëve takime intensive me punëtorët shëndetësor dhe grupet e tjera për të ritheksuar rëndësinë e vaksinimit./Arbresh.info/